A Red, Red Rose
O my luve's like a red, red rose,
   That's newly spring in June;
O my luve's like the melodie
   That's sweetly played in tune.

As fair art thou, my bonnie lass,
   So deep in luve am I;
And I will luve thee still, my dear,
   Till a' the seas gang dry.

Till a' the seas gang dry, my dear,
   And the rocks melt wi' the sun:
O I will love thee still, my dear,
   While the sands o' life shall run.

And fare thee weel, my only luve,
   And fare thee weel awhile!
And I will come again, my luve,
   Though it were ten thousand mile.

                   Robert Burns